Atyraý oblysy ákiminiń ókimimen oblystyq qarjy basqarmasy basshysy bolyp Meıirjan Muqasov taǵaıyndaldy, dep habarlaıdy Egemen.kz.
Meıirjan Joldasulynyń úsh joǵary bilimi bar. Atyraý agrarly-tehnıkalyq kolledjin, Atyraý munaı jáne gaz ýnıversıtetin «Jerge ornalastyrý», Qazaqstan ınnovasııalyq jáne telekommýnıkasııalyq júıeler ýnıversıtetin «Quqyq», Máskeý ekonomıkalyq ýnıversıtetin «Ekonomıka» mamandyǵymen bitirgen.
Eńbek jolyn Atyraý qalalyq ákimdiginde bastaǵan. 2013-2015 jyldary Atyraý qalalyq turǵyn úı-kommýnaldyq sharýashylyǵy, jolaýshylar kóligi jáne avtokólik joldary bóliminiń mamany, bas mamannyń mindetin atqarýshy, 2015-2016 jyldary qalalyq turǵyn úı-kommýnaldyq sharýashylyǵy, jolaýshylar kóligi jáne avtokólik joldary bóliminiń turǵyndarmen qarym-qatynasty úılestirý sektorynyń, 2016-2018 jyldary qalalyq turǵyn úı-kommýnaldyq sharýashylyǵy, jolaýshylar kóligi jáne avtokólik joldary bóliminiń turǵyn úı sektorynda bas mamany bolǵan.
2018 jyly «ÝK SEZ «NINT» AQ-da menedjer, Atyraý qalalyq turǵyn úı-kommýnaldyq sharýashylyǵy, jolaýshylar kóligi jáne avtokólik joldary bóliminiń memlekettik satyp alý jáne josparlaý sektory meńgerýshisiniń mindetin atqarýshy, 2018-2019 jyldary qalalyq turǵyn úı-kommýnaldyq sharýashylyǵy, jolaýshylar kóligi jáne avtokólik joldary bóliminiń memlekettik satyp alý jáne josparlaý sektorynyń basshysy bolyp jumys istegen.
2019-2020 jyldary qalalyq turǵyn úı-kommýnaldyq sharýashylyǵy, jolaýshylar kóligi jáne avtokólik joldary bólimi basshysynyń orynbasary, 2020 jylǵy maýsymnan beri Atyraý qalalyq qarjy bóliminiń basshysy qyzmetin atqaryp keldi.