Aqtaý qalasynda turatyn egizder Qasym men Jomart Memleket basshysy Qasym-Jomart Toqaevtan hat aldy. Uldardyń ákesi bul otbasy úshin tosyn syı bolǵanyn aıtty, dep habarlaıdy Egemen.kz.
2009 jyly týǵan egizderdiń esimderin olardyń ájesi tańdaǵan. Al Qasym-Jomart esimi 2019 jyldan keıin ǵana tanymal bola bastaǵan.
Ájesiniń aıtýynsha, olar dúnıege kelgen kezde Qasym-Jomart Toqaev Qazaqstannyń bolashaǵy úshin mańyzdy laýazymdardy atqarǵan.
Qazir uldar mamandandyrylǵan fızıka-matematıka lıseıiniń segizinshi synybynda oqıdy. Sońǵy úsh jylda synyptastary men dostary egizderdi «prezıdent» dep atady eken.
Jergilikti BAQ aqparaty boıynsha, Memleket basshysy egizder týraly jaqynda ǵana bilgenin jazyp, olarǵa elge adal qyzmet etetin jáne úlken bıikterge jetetin azamat bolýdy tiledi.
«Elimizdiń keleshegi - jastar. Sol úshin alǵyr, aqyldy, zerek, bilimdi bolyp ósińder. О́ıtkeni bul - zor jaýapkershilik. Búgingi jasóspirim - erteńgi el ıesi. Sender qanshalyqty bilimdi, bilikti bolsańdar, elimizdiń keleshegi sonshalyqyty kemel bolady», delingen Prezıdent hatynda.
Aıta ketsek, Memleket basshysynyń esimin alǵan balaqaılar bolashaqta dıplomat bolýdy armandaıtyndary týraly aıtyldy.