Ortalyq saılaý komıssııasy Qaraqat Ábdendi Qazaqstan Prezıdenttigine kandıdat retinde tirkedi, dep habarlaıdy Egemen.kz.
QR OSK múshesi Shavkat О́temisov habarlaǵandaı, tirkeý úshin Ortalyq saılaý komıssııasyna kandıdat pen onyń jubaıynyń aktıvteri men mindettemeleri týraly deklarasııany tapsyrǵany týraly Memlekettik kiris organynan anyqtama, sondaı-aq Qaraqat Ábdenniń Prezıdenttikke kandıdat retinde tirkelýine kedergi keltiretin aýrýlardyń joqtyǵy týraly medısınalyq qorytyndy usynyldy.
«OSK-ǵa kandıdatty qoldaý úshin jınalǵan qoldardy tekserý nátıjeleri týraly oblystardyń, respýblıkalyq mańyzy bar qalalardyń jáne astananyń aýmaqtyq saılaý komıssııalarynyń hattamalary usynyldy. Elimizdiń 15 óńirinde 121 314 qol jınaldy, 120 158 qol tekserildi, onyń ishinde 118 418 qol senimdi dep tanyldy», dedi OSK múshesi Shavkat О́temisov.
Aıta ketsek, Qarakat Ábden kásibı áleýmettik qyzmetkerlerdiń ulttyq alıansynan usynyldy.
OSK tóraǵasy Nurlan Ábdirov Qaraqat Ábdenge QR Prezıdenttigine kandıdat kýáligin tabys etti.
Eske sala ketsek, Qazaqstanda kezekten tys Prezıdent saılaýy 20 qarashaǵa belgilendi.