Sý resýrstary komıteti «Qazaqstan Respýblıkasy Úkimetiniń rezervinen qarajat bólý týraly» qaýly jobasyn daıyndady, dep habarlaıdy Egemen.kz.
Qaýlyǵa sáıkes, Ekologııa, geologııa jáne tabıǵı resýrstar mınıstrligine 2022 jylǵa arnalǵan respýblıkalyq bıýdjette kózdelgen Qazaqstan Respýblıkasy Úkimetiniń rezervinen shuǵyl shyǵyndarǵa 1 mıllıard 536 mıllıon 619 myń 913 teńge kóleminde qarajat bólinedi. Bul Túrkistan oblysy Jetisaı men Maqtaaral aýdandarynyń aýyl sharýashylyǵy taýarlaryn óndirýshilerine berilgen 608 mln 32 myń 980 kılovatt-saǵat kóleminde berilgen sý úshin Qyrǵyzstanǵa tólenetin aqy.
Belgili bolǵandaı, bul sheshim sýarmaly jerlerdi ýaqytyly sýmen qamtamasyz etýge, Túrkistan oblysynyń Jetisaı jáne Maqtaaral aýdandarynyń aýyl sharýashylyǵy taýar óndirýshileriniń ónimderin saqtaýǵa, olardyń básekege qabilettiligin arttyrýǵa jáne óńirdegi áleýmettik shıelenistiń aldyn alýǵa múmkindik berdi.
Qujat 3 qarashaǵa deıin qoǵamdyq talqylaý úshin Open NQA-gov veb-saıtynda ornalastyrylǵan.