QR Parlamenti Senatynyń Tóraǵasy Máýlen Áshimbaevtyń tóraǵalyq etýimen Palata otyrysy boldy, dep habarlaıdy Egemen.kz.
Búgin depýtattar «Qazaqstan Respýblıkasy men Túrikmenstan arasyndaǵy Kaspıı teńizindegi Qazaqstan-Túrikmenstan memlekettik shekarasyn mejeleý jáne balyq aýlaý aımaqtarynyń shektes ýchaskelerin bólý týraly shartty ratıfıkasııalaý týraly» zańdy qarap, qabyldady.
Senat Tóraǵasy atap ótkendeı, qujat Kaspıı teńizindegi Qazaqstan men Túrikmenstan arasyndaǵy memlekettik shekara syzyǵyn aıqyndaý jáne balyq kásipshiligi aımaqtarynyń arajigin ajyratý maqsatynda ázirlengen.
«Osy Zań Qazaqstannyń Túrikmenstanmen memlekettik shekarasyn delımıtasııalaý prosesin aıaqtaýǵa jáne eki memleket arasyndaǵy Kaspıı teńizindegi memlekettik shekaralardy zańdy túrde bekitýge múmkindik beredi. Aldaǵy ýaqytta zań eki el arasyndaǵy tatý kórshilik qatynasty odan ári nyǵaıtýǵa jáne ózara tıimdi yntymaqtastyqty damytýǵa yqpal etedi dep senemiz», dep atap ótti Máýlen Áshimbaev.