Memleket basshysy Taldyqorǵan qalasynda bıyl maýsym aıynda ashylǵan «Aısulý» Jetisý tigin fabrıkasy» JShS jumysymen tanysty, dep habarlaıdy Egemen.kz.
Fabrıka halyqtyń áleýmettik osal toptaryna jatatyn azamattardy kóptep jumysqa alǵan. Atap aıtqanda, 26 kóp balaly ana, 36 jalǵyzbasty ana, 11 múmkindigi shekteýli azamat qyzmet etedi.
Fabrıka basshysy Prezıdentke óndiris ornynda qaýipsiz eńbek jaǵdaılary jasalǵanyn jáne qyzmetkerlerge úsh mezgil tegin tamaq beriletinin, jumysshylardy tasymaldaý úshin tıisti kólik qarastyrylǵanyn baıandady.
Zamanaýı tigin jabdyqtaryna ıe kásiporyn búginde bir ret qoldanylatyn medısınalyq buıymdar (betperde, halat, kombınezon) jáne arnaýly kıim formalaryn tigedi. Qasym-Jomart Toqaev fabrıkanyń óńirde shaǵyn jáne orta bıznesti damytýǵa úlgi bolatynyn aıtty.
Prezıdent fabrıkanyń jumysyn joǵary baǵalap, óńirde shaǵyn jáne orta bıznesti damytýǵa úles qosa berýine tilektestik bildirdi.