Memleket basshysynyń tapsyrmasy boıynsha Ulttyq qaýipsizdik komıteti uıymdasqan qylmystyń elimizdegi áleýmettik-ekonomıkalyq jaǵdaıǵa áserin tómendetý boıynsha tıisti sharalar keshenin júrgizip jatyr, dep habarlaıdy Egemen.kz vedomstvo saıtyna silteme jasap.
2022 jyldyń 11 qazanynda Almaty, Aqtaý, Mańǵystaý oblysynyń Beıneý jáne Aqjigit kentinde qoǵamǵa qaýipti «Beıneýlikter» qylmystyq tobyn ustaý boıynsha arnaıy operasııa ótti.
«Top músheleri Qazaqstan men О́zbekstan arasyndaǵy «Tájen» ótkizý pýnktinde sheteldikter men jeke tasymaldaýshylardan júıeli túrde aqsha bopsalaǵany jáne basqa da aýyr qylmystarǵa qatysy bary anyqtaldy. Arnaıy operasııa barysynda qylmystyq top basshysy men 5 qatysýshy ustaldy», delingen habarlamada.
Ustalǵandarǵa qatysty qamaýda ustaý bultartpaý sharasy bekitildi.