Armrestlıng boıynsha Qazaqstan quramasy Túrkııada ótken 2022 jylǵy álem chempıonatynda úzdik dep tanyldy, dep habarlaıdy Egemen.kz.
Túrkııanyń Antalıa qalasynda eresekter, kadetter, uldar, jastar jáne ardagerler arasyndaǵy armrestlıngten álem chempıonatynda Qazaqstan quramasy birinshi jalpy komandalyq orynǵa ıe boldy.
Qazaqstandyq armrestlerler barlyǵy 68 altyn, 66 kúmis jáne 36 qola medal jeńip aldy.
54 elden 1700 sportshy qatysqan jarystarǵa Qazaqstannyń namysyn 200 sportshy qorǵady.
Jalpy komandalyq esepte kóshbasshylar úshtiginde Túrkııa men Bolgarııa quramalary da bar.