Qazaqstandaǵy tıimdi ıpotekalyq baǵdarlamalar

7-20-25. Operatory – qazaqstandyq turaqtylyq qory

Bastapqy jarna-páter qunynyń 20%, merzimi 25 jylǵa deıin jáne mólsherlemesi 7%. Turǵyn úıdi tek bastapqy naryqta satyp alýǵa bolady. Astana, Almaty jáne olardyń qala mańyndaǵy aımaqtary, Aqtaý, Atyraý jáne Shymkent úshin turǵyn úıdiń eń joǵary quny – 25 mln teńge, Qaraǵandy, Túrkistan úshin – 20 mln teńge, basqa óńirler úshin – 15 mln teńge.

2022 jyldyń 22 qazanyna osy baǵdarlama boıynsha bólingen 1 trln teńgeden 732,8 mlrd teńge somasyna 56 144 nesıe berildi. Operatordyń boljamy boıynsha qarajatty tolyq ıgerý 2023 jyldyń I toqsanynyń sońynda kútiledi.

Nurly jer (5-20-25). Operatory – Otbasy banki

Baǵdarlama boıynsha bastapqy naryqtan úı alýǵa bolady. Bastapqy jarna – 20%-dan, 25 jylǵa deıin jáne mólsherlemesi 5%. Baǵdarlamaǵa ákimdikte kezekte turǵan azamattar ǵana qatysa alady. Otbasynyń árbir múshesine sońǵy alty aıdaǵy tabys 3,7 eń tómengi kúnkóris deńgeıinen (2022 jyly 133,2 myń teńge) joǵary bolmaýy tıis.

Ákimdikter nesıelik turǵyn úıdiń qurylysyn jáne satylýyn 1 sharshy metrge belgilengen baǵamen qarjylandyrady:

- 240 myń teńgege deıin – Almaty;

- 220 myń teńgege deıin – Nur-Sultanda jáne onyń qala mańyndaǵy aımaǵynda;

- 200 myń teńgege deıin – Shymkent pen Almaty mańy aımaǵynda;

- Aqtóbe, Atyraý, Aqtaý, Túrkistan, Qaraǵandy jáne Qostanaı oblystarynda – 180 myń teńgege deıin;

- qalǵan óńirlerde – 160 myń teńgege deıin.

 Bakytty otbasy (2-10-20). Operatory – Otbasy banki

Kópbalaly otbasylar jáne múgedek balalary bar otbasylar retinde sanatta turǵandarǵa arnalǵan baǵdarlama. Turǵyn úıdi bastapqy jáne qaıtalama naryqtarda satyp alýǵa bolady. Bastapqy jarna – 10%-dan, mólsherleme – 20 jylǵa deıingi merzimmen jyldyq 2%-dan. Turǵyn úıdi siz ákimdikte kezekte turǵan aımaqta ǵana satyp alýǵa bolady.

Áskerı baspana. Operatory - Otbasy banki

Bul ıpotekalyq baǵdarlama quqyq qorǵaý organdarynyń qyzmetkerlerine, ishki ister jáne arnaýly memlekettik organdardyń qyzmetkerlerine qoljetimdi. Qaryzdy jyldyq 3,5%-dan 8%-ǵa deıingi mólsherleme boıynsha alýǵa bolady. Turǵyn úı satyp alý Qazaqstannyń kez kelgen qalasynda qoljetimdi.

Jas Otbasy. Operatory – Otbasy banki

Jas otbasylarǵa arnalǵan baǵdarlama. Ol bastapqy jáne qaıtalama naryqtarǵa taralady. Sondaı-aq nesıeni ýchaskeni satyp alýǵa, úı salýǵa nemese bar turǵyn úıdi jóndeýge paıdalanýǵa bolady. Mólsherleme – 6%, merzimi – alty jyldan toǵyz jylǵa deıin, qaryz somasy – 100 mln teńgege deıin. Nesıe alý úshin erli-zaıyptylardyń bireýi nemese ekeýi de aldymen Otbasy bankinde jańa depozıt ashyp, oǵan kem degende bir jyl salym salý kerek. Salym ashylǵan ýaqytqa nekede turý merzimi bes jyldan aspaýy tıis.

О́z úıim. Operatory – Otbasy banki

О́tinish bergen kezde keminde 500 myń teńge jınaǵan Otbasy bankiniń barlyq salymshylary úshin qoljetimdi ıpoteka. Bastapqy jarna – 50%-dan, nesıe merzimi – 25 jylǵa deıin, mólsherleme – 3,5%-dan 5%-ǵa deıin, qaryz somasy – 90 mln teńgege deıin. Turǵyn úıdi qurylys kezeńinde úleske qatysý arqyly satyp alýǵa nemese salynyp jatqan nysanda páter tańdaýǵa bolady. Turǵylyqty mekenjaı boıynsha tirkelý talap etilmeıdi jáne satyp alynatyn turǵyn úı sanyna shekteýler joq.

Qaıtalama naryqtaǵy turǵyn úı. Operatory – Otbasy banki

Baǵdarlamaǵa qatysý úshin sizde keminde úsh jyl jınaqtaý merzimi bar Otbasy bankinde depozıt bolýy kerek. Aqshany páter satyp alýǵa, jóndeýge nemese ıpotekany qaıta qarjylandyrýǵa paıdalanýǵa bolady. Qazirdiń ózinde atyńyzda turǵyn úıdiń bolýy mańyzdy emes. Nesıe boıynsha mólsherleme jyldyq 7,5%-dan 8,5%-ǵa deıin, bastapqy jarna – 50%, nesıe berý merzimi – 25 jylǵa deıin.

Otbasy bankinde nesıeniń úsh túri bar: aldyn-ala, aralyq jáne turǵyn úı. Olar boıynsha mólsherlemeler 3,5%-dan 8,5%-ǵa deıin, al nesıe somasy – 100 mln teńgege deıin.

Alataý jastary. Operatory – Otbasy banki

Almaty oblysynyń jastaryna arnalǵan jańa jeńildetilgen baǵdarlama. Nesıeleýdiń eń joǵary somasy – 10 mln teńge. Nesıe mólsherlemesi 5%, merzimi 19 jylǵa deıin. Baǵdarlamaǵa keminde bir jyl eńbek ótili bar 35 jastan aspaǵan óńir turǵyndary qatysa alady. Sondaı-aq qatysýshy oblysta keminde bir jyl turýy kerek.