Aldaǵy demalys kúnderi elordada ótetin kezekti aýyl sharýashylyǵy jármeńkesinde Aqmola oblysynyń ónimderi usynylady, dep habarlaıdy Egemen.kz qala ákimdiginiń resmı saıtyna silteme jasap.
29-30 qazan kúnderi Aqmolalyq sharýalar elorda turǵyndary men qonaqtaryna 850 tonnadan astam joǵary sapaly ekologııalyq taza ónim usynady dep kútilýde.
Onyń ishinde 200 tonnadan astam et jáne et ónimderi, 200 tonna kartop, 100 tonna sút jáne sút ónimderi, 100 tonna kókónis, 25 tonnadan astam un, 13 tonna jańa pisken balyq, 8 tonnadan astam kondıter ónimderi jáne nan ónimderi, shamamen 1 mln dana jumyrtqa, sondaı-aq oblysta óndiriletin basqa da ónimder bar.
Aıta ketsek, jármeńke aýyl sharýashylyǵy taýaryn óndirýshilerge óz ónimderin deldalsyz, tikeleı tutynýshylarǵa ótkizýge múmkindik beredi, nátıjesinde ónimderdiń baǵasy naryqtaǵy baǵadan 10-20 paıyzǵa tómen bolady.
Jármeńke «Astana-Arena» stadıonynyń janyndaǵy alańda ótedi.