Úkimet qaýlysymen Tımýr Slamjanuly Sultanǵazıev Qazaqstan Respýblıkasynyń Densaýlyq saqtaý birinshi vıse-mınıstri qyzmetine taǵaıyndaldy, dep habarlaıdy Egemen.kz Úkimettiń baspasóz qyzmetine silteme jasap.
Tımýr Sultanǵazıev 1982 jyly Almaty qalasynda týǵan.
Qazaq ulttyq medısına ýnıversıtetin, Tulane University (AQSh) bitirgen.
Eńbek jolyn 2005 jyly S.J. Asfendııarov atyndaǵy Qazaq ulttyq ýnıversıtetiniń №1 qalypty anatomııa kafedrasynyń zerthanashysy bolyp bastady.
2010 jyly – «Respýblıkalyq medısınalyq jedel járdem ǵylymı ortalyǵy» AQ bilim bóliminiń jetekshi mamany, marketıng jáne strategııa bólimi bas mamanynyń mindetin atqarýshy.
2010-2013 jyldary «Ulttyq medısınalyq holdıng» AQ Innovasııa jáne tehnologııalyq transfert departamentinde túrli qyzmetter atqardy.
2013-2014 jyldary – «Medısınalyq tehnologııalar jáne aqparattyq júıeler ortalyǵynyń» prezıdenti.
2014-2016 jyldary kommersııalyq uıymdarda jumys istedi.
2016 jyly Respýblıkalyq densaýlyq saqtaý ortalyǵy bas dırektorynyń orynbasary boldy.
2016-2017 jyldary – Densaýlyq saqtaý jáne áleýmettik damý mınıstrliginiń Medısınalyq qyzmetti standarttaý departamenti dırektorynyń m.a., dırektory.
2017-2018 jyldary – Densaýlyq saqtaý mınıstrligi Jobalardy basqarý departamentiniń dırektory.
2018-2020 jyldary – SQO ákimdiginiń densaýlyq saqtaý basqarmasynyń basshysy, Petropavl qalasy.
2020 jyly Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy boldy.
2021-2022 jyldary – Soltústik Qazaqstan oblysy ákiminiń orynbasary.