Qazaqstan Respýblıkasynyń Sybaılas jemqorlyqqa qarsy is-qımyl agenttigi Qaırat Satybaldyuly men basqa da adamdarǵa qatysty qylmystyq jolmen alynǵan aqshany jáne ózge de múlikti zańdastyrý (jylystatý) faktileri boıynsha sotqa deıingi tergep-tekserýdi jalǵastyrýda, dep habarlaıdy Egemen.kz.
Jedel-izdestirý is-sharalarynyń nátıjesinde alys shet elderde fıgýranttarǵa tıesili, quny 230 mıllıon AQSh dollarynan asatyn, memleket kirisine aınaldyrylǵan eksklıýzıvti asyl tastar men zergerlik buıymdar anyqtalyp, elge qaıtaryldy.«Qaırat Satybaldyulynyń sheteldik baǵaly qaǵazdarǵa 300 mıllıon AQSh dollaryn salý faktisi anyqtaldy. Kórsetilgen soma jaqyn arada Qazaqstan bıýdjetine túsedi», delingen ANTIKOR habarlamasynda.Memleket basshysynyń tapsyrmasy boıynsha zańsyz áketilgen kapıtaldy izdeý jáne elge qaıtarý jalǵasýda.