Tórt aı ishinde Qazaqstanda adam saýdasynyń 30-ǵa jýyq faktisi tirkeldi. Bul týraly Ishki ister mınıstri Marat Ahmetjanov adam saýdasyna qarsy is-qımyl máseleleri jónindegi quqyqtyq forýmda aıtty, dep habarlaıdy Egemen.kz.
«Birikken Ulttar Uıymynyń málimeti boıynsha, álemdegi adam saýdasynyń qurbandarynyń 70%-y áıelder men jas qyzdar. Al árbir úshinshisi - bala. О́kinishke qaraı, bul másele Qazaqstanǵa da qatysty», dedi Marat Ahmetjanov.
Onyń aıtýynsha, jyl saıyn elde uqsas sıpattaǵy 100-den astam qylmys tirkeledi.
«Buryn mundaı qylmystardyń 300-ge jýyǵy tirkelgen. Bıyl tórt aıda adam saýdasynyń 30-ǵa jýyq faktisi anyqtaldy. Úsh uıymdasqan qylmystyq top ustaldy. Jalpy, mınıstrlikte uıymdasqan qylmysqa qarsy kúres basqarmasyn qaıta uıymdastyrýdyń arqasynda bul qylmystardyń anyqtalýy artyp keledi», dep tolyqtyrdy mınıstr.