Bul týraly Ishki ister mınıstri Marat Ahmetjanov adam saýdasyna qarsy is-qımyl máseleleri jónindegi quqyqtyq forýmda málimdedi, dep habarlaıdy Egemen.kz.
«Memleket basshysynyń tapsyrmasy boıynsha IIM «Adam saýdasyna qarsy is-qımyl týraly» zań jobasyn ázirleýde. Bul deklaratıvti akt bolmaýy kerek. Ol quqyq qoldanýdaǵy barlyq «aq daqtardy» jáne «soqyr aımaqtardy» joıýy tıis», dedi Marat Ahmetjanov.
IIM basshysy búgingi tańda zań jobasynda qylmystyq is qozǵaýǵa qaramastan, «adam saýdasynyń qurbany» uǵymynyń zańnamalyq anyqtamasy kózdelgenin aıtty. Osylaısha, onyń keshendi áleýmettik kómek alýy úshin quqyqtyq negizder qurylady.
Sondaı-aq keshendi aldyn alý jumystaryn uıymdastyrý maqsatynda alǵash ret «adam saýdasynyń áleýetti qurbany» jáne «osal jaǵdaı» uǵymdary engizilýde. Osylaısha, «táýekel tobyna» profılaktıkalyq kómek kórsetý sharttary men negizderi jasalady. Adam saýdasyna qarsy is-qımyl jónindegi vedomstvoaralyq jáne óńirlik komıssııalardyń quqyqtyq mártebesi bekitiledi. Olarǵa osy saladaǵy qoǵamdyq qatynastarǵa quqyqtyq yqpal etý quzyreti beriledi.
«Olardyń usynystary úkimettik josparda eskeriledi. Al bul naqty merzimder, oryndaýshylar jáne jaýapkershilik», dep túsindirdi M.Ahmetjanov.