Qazaqstandyq tennısshiler Sandýǵash Kenjebaeva men Janel Rústemova juptyq synda Túrkııanyń Antalııa qalasynda ótip jatqan ITF W15 týrnıriniń shırek fınalyna shyqty, dep habarlaıdy Egemen.kz.
Alǵashqy aınalymynda qazaqstandyq jup túrkııalyq Nehır Dogan – bolgarııalyq Emma Fantýsıspen sheberlik baıqasty.
Kenjebaeva men Rústemova tartysty básekede jeńisti julyp aldy. Esep – 4:6, 6:0, 10:4. Qazaqstandyq juptyń shırek fınaldaǵy qarsylasy keıin anyqtalady.
Qazaqstandyq tennısshiler jekeleı synda da sátti óner kórsetýde. 17 jastaǵy Arýjan Saǵandyqova irikteý saıystarynyń fınalynda shvesııalyq Nora Svensondy tize búktirdi – 6:2, 7:6 (7:3). Al 18 jastaǵy Janel slovenııalyq Brına Sýlınniń meselin qaıtardy. Esep – 6:3, 6:4. Endi olar negizgi dodada baq synaıdy.
Qazaqstan tennıs federasııasynyń jazýynsha, jarystyń júlde qory 15 myń AQSh dollaryna baǵalanǵan.