Qaraǵandydaǵy Lenın atyndaǵy shahtada oryn alǵan apattan keıin Shahtınsk ortalyq aýrýhanasyna tórt adam jetkizildi, dep habarlaıdy Egemen.kz.
Qaraǵandy oblysynyń Densaýlyq saqtaý basqarmasynyń habarlaýynsha, aldyn ala dıagnoz - metanmen ýlaný.
Zardap shekkenderdiń ekeýi H.J.Maqajanov atyndaǵy kópsalaly aýrýhananyń toksıkologııalyq bólimshesine aýystyryldy. Ýlanýdan basqa ártúrli dárejedegi jaraqat alǵan taǵy eki adam Shahtınskte ornalasqan.
Eske sala ketsek, búgin Qaraǵandy oblysyndaǵy shahtada gaz jarylyp, tórt adam qaza tapty. Polısııa «Taý-ken nemese qurylys jumystaryn júrgizý kezinde qaýipsizdik erejelerin buzý» baby boıynsha tergeý jumystaryn bastady.