Búgin Astanada jastarǵa arnalǵan bos jumys oryndarynyń kezekti jármeńkesi ótedi, dep habarlaıdy Egemen.kz elorda ákimdiginiń saıtyna silteme jasap.
3 qarasha kúni saǵat 15:00-de Eýrazııa ulttyq ýnıversıtetinde Astana qalasy ákimdiginiń «Astana jastary» JRO» KMM elordalyq JOO túlekteri men jumyssyz jastar úshin bos jumys oryndar jármeńkesin ótkizedi.
Atalǵan jármeńkeniń negizgi maqsaty - jumys berýshi men jumys izdeýshi arasyndaǵy tikeleı baılanys arqyly jumyssyz azamattardy, bilim berý uıymdarynyń túlekteri men jastardy jumysqa ornalastyrýǵa járdemdesý.
Bıyl Astana qalasy ákimdiginiń «Astana jastary» JRO» KMM bos jumys oryndar jármeńkesin úsh márte ótkizdi. Oǵan elordanyń 126-dan astam jumys berýshisi, 1200-den astam jastar men stýdentter qatysty. 150-ge jýyq adam jumysqa ornalastyryldy.
О́tetin orny: Astana qalasy, Qanysh Sátbaev, 2 (L.N.Gýmılev atyndaǵy Eýrazııa ulttyq ýnıversıteti, bas korpýs, atrıým).