Qaıǵyly jaǵdaı 2 qarasha kúni saǵat 14:00 shamasynda О́skemen-Rıdder avtojolynyń 3-shi shaqyrymynda bolǵan, dep habarlaıdy Egemen.kz.
Glýbokoe aýdany Opytnoe pole aýylynyń burylysynda Nissan Note jáne Toyota Land Cruiser avtokólikteri soqtyǵysyp qalǵan.
«Jol apaty saldarynan Toyota Land Cruiser avtokóliginiń júrgizýshisi men jolaýshysy aýyr dene jaraqattarynan oqıǵa ornynda kóz jumdy. Al ártúrli dene jaraqattary bar ekinshi jolaýshy medısınalyq mekemege jatqyzyldy», dep jazylǵan IIM baspasóz qyzmeti taratqan aqparatta.
Atalǵan fakti boıynsha QR QK-niń 345 -baby 4-bóligimen (Kólik quraldaryn basqaratyn adamdardyń jol júrý erejelerin buzýy, abaısyzda eki jáne odan da kóp adamnyń ólimine ákep soqtyrýy) sotqa deıingi tergeý bastaldy.
Birqatar sot saraptamasy taǵaıyndaldy. Olardyń qorytyndylary boıynsha prosestik sheshim qabyldanady.