Atyraýda qalalyq servıstik ortalyǵynyń janynda «Mersedes» jáne «Gazelle» markaly avtomobılder órtendi, dep habarlaıdy Egemen.kz.
Atyraý oblysy TJD baspasóz qyzmetinen habarlaǵandaı, Sultan Beıbarys dańǵylynda kólik janyp turǵany týraly habar kelip tústi. О́rt sóndirý bólimsheleri shaqyrtý ornyna kelgennen keıin qyzmet kórsetý ortalyǵynyń janynda «Gazelle Necht» markaly avtokóliktiń ashyq otpen janyp turǵany anyqtaldy. О́rt saldarynan jalyn jaqyn mańdaǵy «Mercedes» markaly avtokólikke tarady. О́rttiń sebebi anyqtalýda.
Jalpy jyl basynan beri óńirde 66 avtokólik órtendi.
«Qurmetti avtokólik ıeleri, avtokóliktegi órt qaýipsizdigi erejelerin qatań saqtaýyńyzdy suraımyz jáne órt sóndirgishter ár mashınada bolýy kerek ekenin eske salamyz», delingen óńirdiń TJD baspasóz qyzmetiniń habarlamasynda.