Soltústik Qazaqstan oblysy boıynsha ekologııa departamenti «Biooperations» JShS, burynǵy «Bıohım» zaýytyna qatysty profılaktıkalyq baqylaý júrgizdi. Nátıjesinde kásiporynǵa 15,8 mln teńge kóleminde aıyppul salyndy, dep habarlaıdy Egemen.kz.
Departamenttiń baspasóz qyzmeti habarlaǵandaı, Taıynsha aýdanynda ornalasqan kásiporyn qorshaǵan ortaǵa teris áser etý boıynsha qaýiptiń birinshi sanatyna jatady.
«Profılaktıkalyq baqylaý nátıjeleri boıynsha ekologııalyq zańnama jeti ret buzylǵan. Kásiporyn óndiristik ekologııalyq baqylaý júrgizý kezinde alynǵan derekterdiń sapasyn qamtamasyz etpegen. Kompanııa úsh jumys kúni ishinde óndiristik ekologııalyq baqylaýdy júzege asyrý barysynda anyqtalǵan ekologııalyq zańnamanyń talaptaryn buzý faktisi týraly aqparat usynǵan joq. Qorshaǵan ortaǵa teris áser etetin avtomobılder men ózge de kólik quraldary úshin belgilengen shyǵaryndylar normatıvteriniń buzylýyna, emıssııalar normatıvteriniń, qaldyqtardy esepke alý, qalpyna keltirý, joıý jáne zalalsyzdandyrý jónindegi ekologııalyq talaptardyń saqtalmaýyna jol berildi», dep túsindirdi baspasóz qyzmeti.
Ekologııalyq zańnamany buzǵany úshin zańdy tulǵaǵa jalpy somasy 15,8 mln teńgege aıyppul túrinde alty ákimshilik jaza qoldanyldy. Nusqamalardyń oryndalý merzimi aıaqtalǵan kezde ekologtar kásiporyndy jospardan tys tekserýden ótkizedi.