Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń depýtattary Almaty qalasynda jıyn ótkizip, veterınarlyq qaýipsizdik máseleleri talqylandy, dep habarlaıdy Egemen.kz QR Senatynyń baspasóz qyzmetine silteme jasap.
Komıtet tóraǵasy Álı Bektaev otyrysty asha kelip, Memleket basshysy Qasym-Jomart Toqaevtyń aýyl sharýashylyǵyn damytýǵa zor mańyz beretinin jáne de mal basynyń saýlyǵy men ónimdiligi veterınarııa salasyn jetildirýge jáne jergilikti jerdegi mamandardyń tıimdi jumysyna baılanysty ekenin atap ótti.
«Sapar maqsaty – veterınarııa qyzmetin odan ári damytýǵa, otandyq veterınarııany ǵylymı jáne kadrlarmen qamtamasyz etý jáne elimizdiń mal ósirý sharýashylyǵynyń turaqty ál-aýqaty men mal sharýashylyǵy ónimderiniń qaýipsizdigin qamtamasyz etýge baǵyttalǵan memlekettiń saıasatyn talqylaý», dedi Álı Bektaev.
Aýyl sharýashylyǵy mınıstriniń orynbasary Rústem Qurmanov veterınarııa júıesin reformalaý aıasynda qordalanǵan máselelerdi sheshýge toqtaldy. Densaýlyq saqtaý mınıstriniń orynbasary – bas memlekettik sanıtarlyq dáriger Aıjan Esmaǵambetova oblystaǵy epıdemıologııalyq jaǵdaıdyń jaı-kúıi týraly parlamentshilerge baıandady.
Talqylaý barysynda senatorlarǵa salada memlekettik qoldaý kórsetýdiń, mal sharýashylyǵyn veterınarlyq qolaılyqpen qamtamasyz etý boıynsha ǵylymı súıemeldeýdiń qalaı iske asyrylatyny týraly, sondaı-aq maldyń ınvazııalyq jáne juqpaly emes aýrýlaryna dıagnostıka jasaý, olardy aldyn alý jáne emdeý tásilderi men ádisterin, teorııalyq negizderin ázirleý men olardan kútiletin nátıje men strategııa jaıynda aıtyldy.
Senatorlar Qazaq ulttyq agrarlyq zertteý ýnıversıtetiniń oqytýshylar quramy jáne stýdentterimen kezdesý ótkizip, veterınarııa salasyndaǵy kadrlardy daıarlaý máselelerin talqylady.
Depýtattar qorytyndylaı kele, aýyl sharýashylyǵyn damytýdaǵy zamanaýı veterınarııa ǵylymynyń sheshýshi róli jáne onsyz elimizdiń aýyl sharýashylyǵy ónimderiniń qomaqty bóligin eksporttaýdy ulǵaıtý múmkin emestigin atap ótti. Parlamentshiler osy oraıda kadrlardy daıarlaý, eńbekaqyny kóterý jáne kóptegen úderisterdi sıfrlandyrý boıynsha júıeli ári dáıekti jumys jasaý kerektigi týraly aıtty.