Túrkııanyń Denızlı qalasynda Qazaqstannyń Qurmetti konsýldyǵynyń saltanatty ashylý rásimi ótti. Bul týraly Qazaqstan SIM resmı ókili Aıbek Smadııarov aıtty, dep habarlaıdy Egemen.kz.
«Qazaqstannyń Qurmetti konsýly bıznesmen, Qazaqstandaǵy toqyma ónimderi dúkenderi jelisiniń negizin qalaýshy Okan Oǵyz bolyp taǵaıyndaldy», dedi A. Smadııarov.
Qurmetti konsýldyqtyń ashylýy saýda-ekonomıkalyq, mádenı-gýmanıtarlyq jáne ǵylymı salalardaǵy yntymaqtastyqty keńeıtý máselelerine serpin beredi. Is-shara aıasynda Qazaqstan elshisi Erkebulan Sápıev Denızlı jáne Afon qalalarynyń joǵary oqý oryndarynda oqıtyn 250-ge jýyq qazaqstandyq stýdenttermen kezdesip, olardyń oqý barysymen jáne turý jaǵdaılarymen tanysty.