Bul týraly Shyǵys Qazaqstan oblysynyń ákimi Danıal Ahmetov málimdedi, dep habarlaıdy Egemen.kz.
Ákimniń aıtýynsha, qazir Rıdder JEO-da jaǵdaı shıelenisken.
«JEO-daǵy aqaý 5 qarasha, saǵat 10:41 shamasynda bastaldy. Qazandyqtaǵy bul problemalarǵa qyzmetkerler asa mán bermegen. Nátıjesinde saǵat 22:00-de bagerdi sý basqan. Qalalyq kommýnaldyq kompanııalar tarapynan eleýli sharalar qabyldandy, 4:25-te sý basqan sorǵy qurǵatyldy. Aldaǵy 2 kúnde, 9 qarashaǵa deıin búkil stansııa ádettegideı jumys isteýi úshin qalypqa keltirilýi tıis», dedi oblys basshysy.
Ahmetovtyń aıtýynsha, búgin keshke deıin jaǵdaı turaqtanýǵa tıis.
«Árıne, bári nege bulaı bolǵanyna tań qalady. Munda bir ǵana jaýap bar: JEO-ǵa durys jóndeý júrgizilmegen. Biz buǵan kim jaaýapty bolǵanyn da bilemiz.Biraq qazir aldymyzdaǵy basty mindet – stansanyń ary qaraı jumys isteýin qamtamasyz etý. Biz JEO-ny kommýnaldyq menshikke qaıtarý máselesin qarastyramyz, sodan keıin menshik quqyǵynda osy óte mańyzdy uıymnyń aldynda turǵan barlyq mindetterdi tıimdi jáne tez sheshe bastaımyz», dedi ol.
Esterińizge sala keteıik, 5 qarashada «Rıdder JEO» AQ-da kúl shyǵarý júıesindegi sorǵy isten shyqty, nátıjesinde № 1 qazandyq agregatynyń qosalqy jabdyǵy apatty túrde sóndirildi. Salqyndatqyshtyń temperatýrasy josparlanǵan +70 gradýstan +39 gradýsqa deıin tómendegen edi. Qazirgi ýaqytta qalanyń 22 myńnan astam abonenti jylýsyz qalyp, Rıdderde tótenshe jaǵdaı jarııalanǵan bolatyn.