Bul týraly memleket basshysy Atyraý oblysynyń jurtshylyǵymen kezdesý barysynda aıtty, dep habarlaıdy Egemen.kz.
«Birinshiden, aımaqtyq ekonomıkany ártaraptandyrý qajet. Atyraý oblysy munaı men gazdy tereń óńdeıtin ortalyqqa aınalýǵa tıis. Polıpropılen óndiretin keshenniń iske qosylýy – osy baǵyttaǵy mańyzdy qadam. Aımaqta munaı-hımııa klasterin qurýdyń birinshi kezeńi osylaı júzege asyrylyp jatyr», dedi Prezıdent.
Memleket basshysynyń Qazaqstan kómirsýtegi shıkizatynyń qory eń kóp jıyrma memlekettiń qataryna kiretinin eske saldy. Soǵan qaramastan, elimiz munaı-hımııa ónimderiniń 95 paıyzyna jýyǵyn ımporttap otyr. Toqaev munyń durys emestigin eskertti. О́ıtkeni, Qazaqstan ishki suranysty tolyq qamtamasyz ete alady. Prezıdent tipti, syrtqy naryqtarǵa shyǵýǵa múmkindik bar ekenin atap ótti.
«Munaı-hımııa kásiporyndary ınvestısııa salýǵa óte qolaıly. Álemde olardyń ónimine suranys joǵary jáne bul suranys arta beredi. Sondyqtan, osy oblysta «Ulttyq ındýstrııalyq munaı-hımııa tehnoparki» arnaıy ekonomıkalyq aımaǵy quryldy. Onda jumys isteıtin kompanııalarǵa salyq jáne keden jeńildikteri beriledi», dedi Q.Toqaev.