Memleket basshysy Atyraý oblysynyń jurtshylyǵymen kezdesý barysynda oblystyń ınfraqurylymyn jaqsartý qajettigin aıtty, dep habarlaıdy Egemen.kz.
«Avtokólik joldarynyń sapasy halyqtyń turmysyna jáne ekonomıkaǵa tikeleı áser etedi. Bul sala Atyraý oblysynda aqsap tur. Jergilikti joldardyń 72 paıyzy ǵana ortasha kúıde. «Muny tómen kórsetkish deýge bolady», dedi prezıdent.
Sondaı-aq oblystaǵy respýblıkalyq mańyzy bar joldardyń sapasy da jaqsy emes ekenin atap ótti. Máselen, «Atyraý – Astrahan» kúre jolyn jóndeý jumystary baıaý júrip jatyr. Úkimet ony ýaqytyly jáne sapaly aıaqtaýdy qamtamasyz etýge tıis.
«Jalpy, oblystaǵy shurq tesik joldar talaı ret jurttyń synyna ushyrady. Biraq sodan eshqandaı nátıje joq, tıisti mekemeler óz jumysyn durys oryndamaıdy. Aýdanaralyq, oblysaralyq joldardyń sapasy jaqsarmasa, aımaqtardy damytý týraly aıtýdyń ózi qıyn. Sondyqtan, jol qurylysy meniń jeke baqylaýymda bolady», dedi Q.Toqaev.