Shymkentte 129 aǵashty kesken azamat endi ornyna 6 450 jańa aǵash otyrǵyzýy kerek, dep habarlaıdy Egemen.kz Vera.kz aqparat portalyna silteme jasap.
«Jasyl aýmaqtardy qorǵaý erejesine sáıkes, ol aıyppul tólep, 50 ese kóleminde aǵash otyrǵyzýǵa mindetteledi, ıaǵnı osy 129 aǵashtyń ornyna 6450 aǵash otyrǵyzýy kerek. Ol muny kesken aǵash ornynan 1 km radıýsta jasaýy kerek. Eger bul perımetrde oryn bolmasa, qaıda otyrǵyzýǵa bolatyn jerdi aıtamyz. Atqarylǵan jumys týraly jazbasha jáne fotosýretter arqyly habardar etedi», dedi abattandyrý jáne orman sharýashylyǵyn damytý bóliminiń basshysy Nursultan Seıitjanov.
Sondaı-aq atalǵan azamat otyrǵyzylǵan aǵashtardysńá" úsh jyl boıy kútýge mindetteledi. Sátsizdikter bolǵan jaǵdaıda qaıta jańalaryn otyrǵyzýy kerek.
Tergeý QR Qylmystyq kodeksiniń 340-babynyń 3-bóligi «Aǵashtardy zańsyz kesý, joıý nemese zaqymdaý» boıynsha júrgizilýde.
Basylym buǵan deıin Gagarın kóshesinde aǵash óńdeýshiler túnde 129 aǵashty keskenin jazǵan. Keltirilgen shyǵyn 4 mıllıon teńgeni qurady.