Búgin tańerteń Nepaldyń shalǵaı batysyndaǵy Dotı aımaǵynda kúshti jer silkinisi bolyp, alty adam qaza tapty, taǵy birneshe adam jaraqat aldy, dep habarlaıdy Egemen.kz.
Magnıtýdasy 6,3 bolatyn jer silkinisi jergilikti ýaqyt boıynsha 02:12-de tirkeldi. Birneshe ǵımarat qırady.
«Máıitter úıindiler arasynan shyǵaryldy. Zardap shekkender jergilikti aýrýhanalarda emdelýde», dedi aýdan ákimshiliginiń basshysy Qalpana Shrestha.
Jer silkinisiniń oshaǵy Haptad ulttyq saıabaǵy aımaǵynda bolǵan. Izdestirý-qutqarý jumystaryn júrgizý úshin qaýipsizdik qyzmetkerleri jumyldyryldy.
Aıta keteıik, Nepalda jer silkinisi jıi bolyp turady. 2015 jyly bolǵan kúshti jer silkinisinen toǵyz myńnan astam adam qaza tapqan.