Búgin Panfılov aýdanynda buryn oblys ákiminiń rezıdensııasy bolǵan ǵımarat «Mereı» balalardy ońaltý ortalyǵy retinde ashyldy, dep habarlaıdy Egemen.kz ákimdiktiń baspasóz qyzmetine silteme jasap.
Ǵımaratty jańǵyrtý jumystaryna, qajetti qural-jabdyqtar men jıhazdar satyp alýǵa 80 mln teńge jumsalǵan. Ortalyqta Montessorı kabıneti, fızıoterapııa, emdik dene shynyqtyrý, sol sııaqty sensor, massaj, prosedýralyq kabınetter, logoped, defektolog bólmeleri, tuz shahtasy, basseın jáne t.b bar.
Eki korpýstan turatyn ǵımarattyń jalpy alańy 910,4 sharshy metr. Nysan 40 orynǵa laıyqtalǵan.
Sondaı-aq bıyl Jetisý oblysynyń Alakól, Sarqan, Qaratal aýdandarynda erekshe qajettiligi bar balalarǵa arnalǵan jalpy sany 140 oryndy ońaltý ortalyqtary ashylǵan.