IRO: Bir aksııa – 8 406 teńge

«Samuryq-Qazyna» ulttyq ál-aýqat qory» AQ basqarma tór­aǵasy Almasadam Sátqalıevtiń aıtýynsha, IPO-ǵa shyǵarylaıyn dep otyrǵan aksııa, kompanııanyń búkil aksııasynyń 5 paıyzyn quraıdy.

«Qalǵan aksııalar qazirgi ýa­qyt­­ta Qazaqstan Ulttyq bankine tıe­­sili. Osylaısha, IPO-nyń nátı­jeleri boıynsha qor kem degende 85 paıyz aksııalarǵa ıelik etýdi jalǵastyrady. Usynystyń sheńberinde bir aksııanyń baǵasy shamamen 5,1 tlrn teńge mólsherinde kapıtal­dandyrýdy boljaı oty­ryp, bir aksııa úshin 8 406 teńgeni qu­raıdy. Investorlardyń ótinim­de­rin qabyldaý 2022 jyldyń 9 qarashasynda bastalyp, ınstı­týsıo­naldyq ınvestorlar úshin 2022 jyldyń 30 qarashasynda, al bólshek ınvestorlar úshin 2022 jyldyń 2 jeltoqsanynda aıaqtalady», dedi qor tóraǵasy.

«QazMunaıGaz» ulttyq kom­pa­nııa­synyń basqarma tóra­ǵasy Maǵzum Myrzaǵalıev kompa­nııa­nyń jetistikterin aıta kele, qaı turǵydan alǵanda da IPO-ǵa shyǵýǵa laıyqpyz degen emeýrindi jetkizdi.

«QazMunaıGaz» kómirsý­tek­ter­di barlaý men óndirýden bas­tap tasymaldaýǵa, óńdeýge jáne ser­vıstik qyzmetter kórsetýge d­e­ıingi barlyq óndiristik sıkl boıyn­sha aktıvterdi basqarady, sondaı-aq munaı-gaz salasyndaǵy memlekettik saıasatty ázirleýge jáne iske asyrýǵa qatysady. Kom­pa­nııa eldegi munaı men gaz kondensatyn óndirýde 25 paıyz, tasymaldaýda 56 paıyz jáne munaı óńdeýde 82 paıyzdy qamtıdy. Sho­ǵyrlandyrylǵan aktıvterimiz 15 trln teńgeden asty. Bıyl «QazMunaıGazdyń» qurylǵanyna 20 jyl toldy. Qazirdiń ózinde kompanııa korporatıvtik basqarý men ashyqtyqtyń eń joǵary standarttaryna sáıkes keledi. О́ziniń eýrooblıgasııalarynyń shyǵary­lym­dary arqyly halyqaralyq jáne qazaqstandyq baǵaly qaǵaz­dar naryqtarynda keńinen tanymal. Úkimet pen qordyń «Qaz­MunaıGaz» aksııalarynyń bir bóligin erkin naryqta satý týraly sheshimi áleýetti ınvestorlarǵa kom­panııanyń aksııalaryn satyp alýǵa múmkindik beredi, Qazaq­stan­daǵy baǵaly qaǵazdar jáne qor bırjalary naryǵynyń damýyna yqpal etedi. Biz óz tarapymyzdan ınvestorlarymyz úshin tartymdy bolýy jáne olardyń ın­vestısııalyq portfelderinde laıyq­ty oryn alýy úshin bar kú­shimizdi salamyz», dedi kompanııa basshysy.

Josparlanyp otyrǵan IPO Úkimet bekitken Jekeshelendirýdiń 2021-2025 jyldarǵa arnalǵan keshen­di josparyn iske asyrý aıasynda ótkiziledi. Qor AIX jáne KASE qaǵıdalary men erejelerine sáı­kes qazaqstandyq jáne halyq­aralyq bólshek jáne ınstı­tý­sıonaldyq ınvestorlarǵa AIX qazaqstandyq alańdarynda jáne Qazaqstandyq qor bırjasynda (KASE) aksııalar usynýǵa nıetti.

«KMG» saýda kody (tıkeri) bar AIX-tiń resmı tizimine aksııa­lar 2022 jylǵy 7 jeltoqsanda engi­ziledi, al AIX-te saýda-sat­tyqqa ruqsat 2022 jylǵy 8 jel­toq­sannan bastap berilmek. «Qaz­MunaıGazdyń» jaı aksııalary «KMGZ» saýda kody bar KASE lıstıngine engizilgen.

Investorlardyń ótinimderin qabyldaý 2022 jylǵy 9 qarashada saǵat 12:00-de bastalady jáne ınstıtýsıonaldyq ınvestorlar úshin 2022 jylǵy 30 qarashada saǵat 18:00-de, al bólshek ınvestorlar úshin 2022 jylǵy 2 jeltoqsanda saǵat 15:00-de aıaqtalady.