Sotheby's aýksıonynda Ferrari F2003-GA kóligi satyldy. Bul kólik Mıhael Shýmaherge Formýla-1 jarysynda altynshy chempıondyq ataǵyn ákelgen, dep habarlaıdy Egemen.kz.
Atalmysh kólik 14,8 mıllıon dollarǵa satyldy.
2003 jyly Shýmaher áıgili avtojarysshylar Kımı Raıkkonen men Hýan-Pablo Montoııaǵa qarsy kúresip, altynshy chempıondyq ataǵyn jeńip alǵan edi.
Formýla-1-diń kóligin satý boıynsha aldyńǵy rekord 5 jyl buryn Sotheby's aýksıonynda ornatylǵan. Ol kezde Ferrari F2001 loty 7,5 mıllıon dollarǵa satyldy.
Aıta ketsek, álemdegi eń qymbat kólik 1955 jylǵy Mercedes-Benz 300 SLR Uhlenhaut Coupe bolyp qala beredi. Dúnıe júzinde bul kóliktiń tek eki danasy ǵana bar. Onyń bireýi 2022 jyldyń mamyrynda 142 mıllıon dollarǵa satylǵan.