Saılaýshylar óz ýchaskesiniń mekenjaıyn birneshe tásil arqyly anyqtaı alady, dep habarlaıdy Egemen.kz.
Birinshiden, saılaý ýchaskelerin «JSN boıynsha saılaý ýchaskesin izdeý» aqparattyq servısi arqyly tabýǵa bolady.
Ol úshin joǵaryda kórsetilgen silteme boıynsha ótip, turyp jatqan aımaǵyńyzdy tańdaısyz. Sodan soń JSN engizip, «tabý» batyrmasyn basasyz. Birer sekýndtan keıin qajetti aqparatty ala alasyz.
Ekinshi tásil baılanys operatorlarynyń kómegimen júzege asyrylady. Atap aıtqanda, uıaly telefonǵa SMS arqyly aqparattyq servıstiń siltemesi jiberiledi.
Sondaı-aq saılaý ýchaskesin «1414», «109» call-ortalyǵyna habarlasyp bilýge bolady.
Eger saılaý kúni basqa eldi mekende bolýdy josparlasańyz, onda óz saılaý ýchaskeńizge habarlasyp, daýys berý quqyǵyna syrttaı kýálik alýyńyz kerek. Osy qujatpen siz basqa eldi mekende daýys bere alasyz.
Aıta ketsek, saılaý ýchaskesine jeke kýálikti alyp barý qajet. Sondaı-aq eGov, Kaspi qosymshasyndaǵy sıfrlyq jeke kýálikti kórsetýge bolady.
Eske salaıyq, Qazaqstanda kezekten tys prezıdent saılaýy 20 qarashada saǵat 07:00-20:00 aralyǵynda ótedi.