Qazaqstandyq boksshy Mahmud Sabyrhan Ammanda (Iordanııa) ótip jatqan Azııa chempıonatynyń jartylaı fınalynda óner kórsetti, dep habarlaıdy Egemen.kz Sports.kz saıtyna silteme jasap.
54 keli salmaqta jartylaı fınaldyq kezdesýde Sabyrhan ózbekstandyq Shahzod Muzafarovpen beldesip, tóreshilerdiń biraýyzdan sheshimimen jeńiske jetti. Osylaısha qazaqstandyq týrnırdiń fınalyna shyǵyp, altyn medalǵa talasady.
Mahmud Sabyrhan 2021 jylǵy álem chempıonatynyń fınalısti, sondaı-aq jastar arasyndaǵy Azııa chempıonatynyń birneshe dúrkin jeńimpazy. Oǵan ýkraınalyq boksshy Vasılıı Lomachenkomen uqsas stıli úshin «qazaq Lomachenkosy» degen laqap at berilgen.