Memleket basshysy Qasym-Jomart Toqaev Túrki memleketteri uıymy sammıtiniń otyrysynda sóz sóılep jatyr, dep habarlaıdy Egemen.kz Prezıdenttiń baspasóz qyzmetine silteme jasap.
«Túrki memleketteri uıymynyń osy kezekti basqosýy asa mańyzdy dep oılaımyn. Qatysyp otyrǵanyma rızamyn. Eń aldymen, osy is-sharany joǵary deńgeıde uıymdastyryp, zor qonaqjaılyq kórsetip, jyly qarsy alǵan О́zbekstan Prezıdenti, qadirmendi Shavkat Mıromonovıch Mırzııoevke erekshe alǵys aıtamyn. Jıynymyz Túrki áleminiń maqtanyshy – kóne Samarqand shaharynda ótip jatyr. Bul qala tarıhı tamyry tereń órkenıet oshaǵy retinde búkil álemge tanymal. Samarqand qalasy Jibek jolynyń altyn kópiri ekenin barsha túrki halyqtary moıyndaǵan», dedi Qasym-Jomart Kemeluly. Aıta keteıik, osy kıeli jerde Túrki memleketteri uıymyna tóraǵalyq etý quqyǵy О́zbekstan Respýblıkasyna beriledi. Qazaqstan Prezıdenti О́zbekstan tarapy bul mindetti abyroımen atqaratynyna senim bildirdi.