Bul týraly Memleket basshysy Túrki memleketteri uıymy sammıtinde aıtty, dep habarlaıdy Egemen.kz.
«Túrki memleketteri uıymy men basqa da qurylymdardy júıelep, ornyqtyratyn kez keldi dep oılaımyn. Qazir Uıym hatshylyǵyna júkteletin jaýapkershilik artty. Sondyqtan Túrki keńesin qurý jónindegi Nahchyvan kelisiminiń 13-shi babyndaǵy Turaqty ókilder týraly máseleni qarastyrýdy usynamyn. Olar ózara is-qımylymyzdy úılestirý isinde mańyzdy ról atqarar edi», dedi el Prezıdenti.
Memleket basshysy sondaı-aq uıymdardy tıimdi paıdalaný úshin VII Sammıtte qurylǵan Úılestirý komıtetiniń qyzmetin jandandyrý qajet ekenin atap ótti.
«Túrki jurtynyń túrli saladaǵy baılanysyn bekemdeıtin birneshe qurylym bar (ıaǵnı, Uıym Hatshylyǵy, TúrkPA, Túrksoı, Túrki akademııasy, Túrki mádenıeti jáne murasy qory). Biraq, keı jaǵdaıda olardyń mindetteri qaıtalanyp jatady. Bul uıymdardy tıimdi paıdalaný úshin VII Sammıtte qurylǵan Úılestirý komıtetiniń qyzmetin jandandyrý qajet. Komıtet bul qurylymdardyń jumysyn durys úılestire bilse, olar birin-biri tolyqtyra túser edi», dedi Q.Toqaev.