11 qarasha kúni saǵat 09.30-da SQO Polısııa departamentiniń kezekshi bólimine TJ departamentiniń kezekshisinen Petropavl mektepterinde jasyrylǵan qurylǵy týraly habarlama kelip túsken, dep jazady Egemen.kz.
Osydan keıin arnaıy qyzmetter qalanyń mektepterin tekserdi. Oqýshylar men ustazdar ýaqytsha evakýasııalandy, sabaqtar toqtatyldy. «Jarylǵysh qurylǵylar men kúdikti zattar tabylǵan joq. Bul fakt aqparatty esepke alý kitabynda tirkeldi. Qoǵamdyq tártipti buzýǵa jol berilmedi», dep jazylǵan IIM saıty taratqan habarlamada. Eskeı salaıyq, QR Qylmystyq kodeksiniń 273-babyna sáıkes terrorızm aktisi týraly kórineý jalǵan habar bergeni úshin 5 jylǵa deıingi merzimge bas bostandyǵynan aıyrý túrindegi jaýapkershilik kózdelgen.