Almaty qalasynda saılaý quqyǵy bar múmkindigi shekteýli 43 000-nan astam adam turady. Sonyń ishinde 6209 adamǵa daýys berý kezinde erekshe jaǵdaı qajet, dep habarlaıdy Egemen.kz OSK-ǵa silteme jasap.
«Barlyq saılaý ýchaskelerinde múmkindigi shekteýli jandar úshin qoljetimdilik qamtamasyz etilgen. Barlyq saılaý ýchaskeleri birinshi qabattarda ornalasqan, pandýstar men taktıldi kórsetkishter bar. Budan basqa, saılaý ýchaskelerinde jasyryn daýys berýge arnalǵan arnaıy kabınalar, sondaı-aq múmkindigi shekteýli azamattar úshin beıimdelgen formatta monıtory bar kompıýterler qarastyrylǵan. Sondaı-aq daýys berý kúni 54 ınvataksı qyzmet etedi», dep jazylǵan Ortalyq saılaý komıssııasy taratqan habarlamada.