Prezıdent Almaty jurtshylyǵymen kezdesýinde Qazaqstan progressıvti kún tártibin alǵa jyljytýy kerektigin aıtty, dep jazady Egemen.kz.
- Bul bizdiń dıplomatııamyzǵa da qatysty, onyń róli qazirgi geosaıası shyndyqta aıtarlyqtaı artyp keledi. Qazaqstan ulttyq múddelerdi qorǵaýǵa, beıbitshilik, senim jáne yntymaqtastyq qundylyqtaryn ilgeriletýge baǵyttalǵan belsendi syrtqy saıasat júrgizedi, - dedi Qasym-Jomart Kemeluly.
Sondaı-aq bizdiń syrtqy saıasatymyz elimizdiń qaýipsizdigin nyǵaıtýǵa, ınvestısııalar tartýǵa, kólik-tranzıttik áleýetti damytýǵa, eksportty ilgeriletýge baǵyttalǵanyn da atap ótti.
- Munyń bári, saıyp kelgende, halqymyzdyń ál-aýqatyn arttyrýǵa yqpal etedi. Halyqaralyq máselelerde Qazaqstan árqashan Birikken Ulttar Uıymynyń ámbebap qaǵıdattaryn berik ustanatyn bolady. Ekinshi jaǵynan, uıymnyń ózi barlyq memleketterdiń múddelerin eskeretin neǵurlym ınklıýzıvti jahandyq qurylymǵa aınalý turǵysynan reformalardy qajet etedi, - dedi el Prezıdenti.
Q.Toqaevtyń aıtýynsha, bul ásirese álemniń túkpir-túkpirinde áskerı qaqtyǵystar týyndaǵan kezde, memleketter arasynda senimsizdik artyp, ártúrli terrorıstik jáne gıbrıdtik qaýipter kúsheıgen kezde óte mańyzdy. Sondyqtan Qazaqstan Eýrazııanyń qaq ortasynda bola otyryp, olardyń yqpalyn sezinedi.
- Alaıda, biz túpki maqsaty qýatty memleket, ádil qoǵam qurý bolyp tabylatyn reformalardyń belgilengen jolynan bas tartpaımyz, - dedi Memleket basshysy.
Prezıdent jalpyulttyq dıalogtyń artqandyǵyna da toqtaldy.
- Jalpyulttyq dıalogtyń,azamattyq qoǵamnyń belsendiligine arqasynda elimiz aýqymdy saıası ózgeristerdi júzege asyrdyq. Saıası reformalardyń tórt paketi júzege asyryldy. Beıbit jınalystar týraly túbegeıli jańa zań qabyldandy. Aýyl ákimderin saılaý engizildi, aýdan basshylaryn saılaýǵa kóshý josparlanýda. Partııalar qurý úshin jaǵdaılar jeńildetilip, Májiliske ótý shegi tómendetildi. Áıelderge, jastarǵa jáne erekshe qajettilikteri bar adamdarǵa arnalǵan saılaý tizimderine 30 paıyzdyq kvota engizildi, - dep atap ótti Qasym-Jomart Kemeluly.
Prezıdent atap ótkendeı munyń bári azamattardy memlekettik sheshimder qabyldaýǵa, adal jáne ádil oıyn erejelerin qalyptastyrýǵa, favorıtızmniń kez-kelgen túrin joıýǵa baǵyttalǵan bastamalardyń az ǵana bóligi.
- Biz aýqymdy saıası ózgeristerdi dáıekti túrde júzege asyramyz, ekonomıka men áleýmettik saladaǵy reformalardy júzege asyramyz, dep toqtaldy Q.Toqaev.
Qasym-Jomart Kemeluly bul reformalar halyqaralyq qoǵamdastyqtyń qoldaýyna ıe ekenin aıtady.
- Bizdiń Qazaqstandy jańǵyrtý jónindegi kúsh-jigerimizdi reformany shekteý retinde usynýǵa jáne ony sheteldik saıasatkerler men sarapshylardy sendirýge tyrysatyndar múldem qatelesedi. Shyndyǵynda, óte úlken jumys jasaldy. Búkil álemde Qazaqstan jańa mazmun men kelbetke ıe bolǵanyn moıyndaıdy. Bul jerde eshqandaı asyra silteý joq. Eń bastysy, reformalar odan ári damıdy. Qazaqstan qarqyndy damyp, barlyq toqyraý qubylystarynan arylatyn bolady, - dep túıindedi Memleket basshysy.