Qazaqstandyq boksshy Aıdos Erbosynulynyń (16-1, 11 KO) WBA tujyrymy boıynsha sýper orta salmaqtaǵy álem chempıony ataǵy úshin jekpe-jekte aýyr jeńilisinen keıingi jaǵdaıy belgili boldy, dep habarlaıdy Egemen.kz.
Erbosynuly kýbalyq Devıd Morrelmen (8-0, 7 KO) jekpe-jeginde 12-raýndta nokaýtpen utylǵan edi. Suleimen promotions Qazaqstandyq boksshynyń qazirgi jaǵdaıy týraly málimdeme jasady.
«Jaǵymdy jańalyq. Bizdiń batyrymyz, ekinshi orta salmaqtaǵy boksshy Aıdos Erbosynuly otadan soń qarqyndy terapııa bóliminen qarapaıym palataǵa aýystyryldy.
AQSh-taǵy kompanııa ókiliniń habarlaýynsha, boksshynyń densaýlyǵy edáýir jaqsarǵan. Otandasymyz áli de bolsa dárigerlerdiń baqylaýynda bolmaq. Batyrymyzǵa qoldaý bildireıik», dep jazdy vedomstvo.