QR Parlamenti Senaty «Qazaqstan Respýblıkasy men Halyqaralyq Qaıta Qurý jáne Damý Banki arasyndaǵy Qaryz týraly kelisimdi ratıfıkasııalaý týraly» zańdy qabyldady, dep habarlaıdy Egemen.kz.
2022 jylǵy 24 tamyzda Astanada Qazaqstan men Halyqaralyq qaıta qurý jáne damý banki (HQDB) arasynda 345,7 mıllıon eýro kóleminde nesıe berý týraly kelisimge qol qoıyldy.
«Nesıe tolyǵymen bıýdjet tapshylyǵyn qarjylandyrýǵa jumsalady. Qaryz qarajaty qabyldanǵan bıýdjet shyǵystaryn, onyń ishinde áleýmettik jáne basqa da basym maqsattarǵa baǵyttalǵan shyǵystardy qoldaýǵa múmkindik beredi. Nesıe Qazaqstanǵa óteý merzimi 11,5 jyl, onyń ishinde 2,5 jyl jeńildik kezeńi. Syıaqy mólsherlemesi nesıe somasynyń 0,25 paıyzyn, ıgerilmegen nesıe somasy úshin rezervtik komıssııanyń 0,25 paıyzyn quraıdy. Tartylǵan nesıege qyzmet kórsetý jáne óteý respýblıkalyq bıýdjet esebinen júzege asyrylady», dedi Qarjy mınıstri Erulan Jamaýbaev Senat otyrysynda.
Zań el Prezıdentiniń qol qoıýyna jiberiledi.
Aıta keteıik, Halyqaralyq qaıta qurý jáne damý banki Dúnıejúzilik banktiń negizgi nesıelik ınstıtýty bolyp tabylady.