Bıyl Atyraýda 311 etnıkalyq qazaq qandas mártebesin aldy. Bul týraly sheteldik jumys kúshin tartý jáne kóshi-qon basqarmasynyń basshysy Meırambek Aldııarov aıtty, dep habarlaıdy Egemen.kz.
Bıyl Atyraý oblysyna shet memleketterden 252 otbasy kóship kelgen. Otanyna oralǵan jerlesterdiń barlyǵy qandas mártebesine ıe boldy.
«Álemniń túkpir-túkpirinen qandastarymyz eline oralýda. Táýelsizdik alǵaly Atyraýǵa barlyǵy 15 myńnan astam etnıkalyq qazaq oraldy. Búginde olardyń basym kópshiligi Qazaqstan Respýblıkasynyń azamattyǵyn aldy. Elge oralǵan etnıkalyq qazaqtarǵa bir jylǵa kandas mártebesi beriledi, osylaısha olardyń osynda qalyp, azamattyq alýǵa múmkindigi bolady. Eger atalǵan merzim ishinde olar Qazaqstan azamattyǵyn ala almasa, bir rettik uzartý boıynsha alty aılyq mártebe beriledi. Búgingi tańda turǵyn úı kezegine tirkelgen 43 qandas tirkelgen», dedi M.Aldııarov.
Aıta keteıik, qandas mártebesin alýǵa úmitker etnıkalyq qazaq bul qyzmet túrin jergilikti atqarýshy organǵa nemese Memlekettik korporasııaǵa habarlasý arqyly alady. Qujattardy qaraýdyń jáne qandastar mártebesin berýdiń jalpy merzimi tórt jumys kúni ishinde júzege asyrylady.