Biz jańarǵan Qazaq elinde jańasha ómir súrip jatyrmyz. Qazaqstannyń jańarýy osynda turatyn barlyq halyqtyń, ıaǵnı etnostyń birlikke degen jańasha ustanym qalyptastyrýynan kórinedi.
Jáne de biz bul jańarýdy oı-sanamyz ben el-jurt, Otanymyzǵa degen erekshe kózqaras, súıispenshiligimiz ben el arasyndaǵy yntymaq-birliktiń teń dárejede saqtalýyna qosar úlesimizdiń jańasha qalyptasýy dep te sezinýge tıispiz. Ásirese saýattylyǵymyzdy, mádenıetimiz ben iskerlik qabiletimizdi arttyra otyryp, Otanymyzdyń ósip-órkendeýine súbeli úlesimizdi qosý úshin bar kúsh-jigerimiz ben qaıratymyzdy tolyq paıdalana bilýimiz kerek. Jan-jaǵymyzǵa burynǵydaı emes, endigi jerde jańasha talappen qarap, saraptaı alýymyz da asa qajet.
Mysaly, erteńgi saılaýǵa osy ýaqytqa deıingi: «Barsaq ta, barmasaq ta eriktimiz», degen eskishe kózqarasty ózgertip, árbirimiz: «Joq, men – Qazaqstan Respýblıkasynyń tól azamatymyn. Sondyqtan da qandaı bir saılaýǵa bolsyn qatysyp, elimniń jańara, jasara túsýine óz úlesimdi qosýym kerek. Osy sebepti meniń saılaýǵa qatysýym óte mańyzdy», degen úlken betburyspen, jańasha lep, jańasha qulshynys, erik-jigermen prezıdenttik saılaýda bir kisideı daýys bersek, bul bizdiń jańaryp, qalyptasa bastaǵanymyzdyń aıǵaǵy bolmaq.
Saılaýǵa erekshe tańdaýmen barý da mańyzǵa ıe. Iá, biz prezıdenttikten úmitkerlerdiń qaı-qaısysyna bolsa da daýys berýge quqylymyz. Biraq bul jerde tańdaı bilý degen bar. Munyń mańyzy óte joǵary. Olaı bolsa, men ózim birinshi kezekte adamı oılaý júıesi berik qalyptasqan, óz Otanyn erekshe súıe bilip, halqyna barynsha jany ashıtyn jáne qamqor bola biletin jan-jaqty qabiletti de isker, sonymen birge ózge memlekettermen de qalaı syılasyp, birin biri qurmetteı bilýge ábden jattyqqan, júregi taza dep sanaıtyn úmitkerime daýys beretin bolamyn.
Sondaı-aq barsha Qazaqstan halqyn da bir kisideı jumyla óz saılaý ýchaskelerine baryp, ózderi tańdaǵan kandıdatqa daýys berýge shaqyramyn.
Serikbaı TURJAN,
Báıdibek aýdanynyń qurmetti azamaty, eńbek ardageri
Túrkistan oblysy