Aldaǵy demalys kúnderi, 19-20 qarashada, Astanada aýyl sharýashylyǵy ónimderiniń jármeńkesi ótedi, dep habarlaıdy Egemen.kz elorda ákimdiginiń resmı saıtyna silteme jasap.
Jármeńkege taýar óndirýshiler qatysady. Olar birqatar taýar túrin usynady. Qala turǵyndaryna yńǵaıly bolýy úshin jármeńke Júrgenov, 29 jáne Saýran, 7 mekenjaıy boıynsha elordanyń oń jáne sol jaǵalaýynda ótedi.
Jármeńke senbi jáne jeksenbi kúnderi saǵat 10:00-den 18:00-ge deıin ótedi. О́nimder naryq baǵasynan 10-15%-ǵa tómen satylady. Mundaı jármeńkelerdiń basty maqsaty – astanalyqtarǵa qoljetimdi azyq-túlik sebetin jınaýǵa múmkindik berý.
Aıta ketý kerek, Qazaqstan Respýblıkasynda aýyl sharýashylyǵy qyzmetkerleri kúni qarashanyń ár úshinshi jeksenbisinde atalyp ótedi. Mereke aıasynda mundaı jármeńkeler Qazaqstannyń barlyq aýmaǵynda júzege asyrylady.