Almatyda kópqabatty turǵyn úılerdiń birinde qutqarýshylar beınelengen mýral paıda boldy, dep habarlaıdy Egemen.kz.
Mýral «Aınabulaq» shaǵyn aýdanyndaǵy toǵyz qabatty úıdiń qasbetine salynǵan.
«Qutqarýshylar árqashan aldyńǵy qatarda, óz ómirlerin qaterge tigedi. Sondyqtan da el qurmetine bólengen mamandyq. Qabyrǵada kishkentaı qyzdy jalynnan alyp shyqqan órt sóndirýshi – qutqarýshy beınelengen. Aıta ketý kerek, uqsas beıneler, músinder Tótenshe jaǵdaılardy joıýǵa da olardyń aldyn alýǵa da qatysqan barlyq qutqarýshylardyń ujymdyq beınesi», dep habarlady TJD baspasóz qyzmeti.
Mýralda TJ bolǵan jaǵdaıda habarlasý qajet «112» nomeri de beınelengen. Taqyryptyq mýral halyq arasynda órt-profılaktıkalyq jumys aıasynda Jetisý aýdany ákimi apparatynyń qoldaýymen jáne aýdandyq Tótenshe jaǵdaılar basqarmasymen birlesip salynǵan. Búgingi kúni Tótenshe jaǵdaılar departamentinde О́rt sóndirýshi-qutqarýshylar men júrgizýshilerdiń 230-dan astam bos orny bar. Sondyqtan jastardy azamattyq qorǵaý organdaryna qyzmetkerler qataryna tartý máselesi ózekti bolyp otyr.