Halyqtyń shyn yqylas-nıeti men belsendiligi joǵary ekeni baıqalady. Ekibastuzda, ásirese, daýys berýge kelip jatqan jastardyń qarasy úziler emes, dep habarlaıdy Egemen.kz.
Ekibastuzdaǵy № 573 saılaý ýchaskesinde Qazaqstannyń Eńbek Eri, shahardyń Qurmetti azamaty Ryshat Ámrenov eldiń aldy bolyp kelip, daýys berdi.
- Búgin otbasymyzben erte oıandyq. Kóńil-kúıimiz tamasha! Saılaý ýchaskesindegi halyqtyń ashyq-jarqyn júzin, mundaǵy kóńildiń hoshyn ashatyn aýandy kórip, qýanyp otyrmyn. Kelip jatqan jurtta esep joq, ásirese, jastardyń belsendiligin baıqadym. Barlyǵy elimizdiń bolashaǵy, halqymyzdyń jarqyn ómiri úshin tańdaý jasap jatqany sózsiz. Qazirgi kúni zeınetke shyqsam da, eldiń saıası ómiri meni alańdatady. Túrli halyqaralyq jaǵdaılar, elder arasynda bolyp jatqan janjaldar Qazaqstandaǵy beıbit tirshilikti ári qaraı nyqtaı túsý qajettigin ańǵartady. Sanaly azamat retinde saılaýda óz tańdaýymdy jasap, Jańa Qazaqstandy qurýǵa atsalysyp jatqanymdy maqtanysh tutamyn, - dep atap ótti Eńbek Eri.
Ryshat Ámrenov - dańqty shahter, uzaq jyldar «Shyǵys» kómir kenishinde eńbek etti. Zaıybymen birge otbasynda 6 bala tárbıelep ósirgen. Búginde 4 balasy men 2 kúıeý balasy áýlet ıesiniń jolyn jalǵastyryp, kenishte abyroımen qyzmet etýde.