QR Eńbek sińirgen qaıratkeri, QHA múshesi Asyly Osman Almaty qalasyndaǵy №64 saılaý ýchaskesine baryp, eldiń taǵdyryna yqpal eter mańyzdy sheshimdi qabyldaýǵa atsalysty, dep habarlaıdy Egemen.kz.
Ol ár saılaýdaǵydaı bul joly da alǵashqylardyń biri bolyp daýys berdi.
«Bul saılaý eldiń taǵdyryn aıqyndaıdy. Qabanbaı babamyz: «Han bireý, qalǵany tireý bolsyn» degen eken. Qaraqtarym, osy sózdiń qudiretine eshteńe jetpeıdi. Sondyqtan búgin taıly-tuıaǵymyzben óz tańdaýymyzdy jasadyq. Eldiń aldynda júrgen aǵa býyn ókilderi ózderinen keıingilerge úlgi-ónege kórsetetin shaq keldi. Saılaýdan, keleshekten jaqsylyqty kútemin», dedi Asyly Osman.