Jetisý oblysy Jarkent qalasynda alǵashqylardyń biri bolyp, qala turǵyny, 100 jastaǵy qarııa Zeınelhan Ospanova daýys berdi. 12 qursaq kótergen «Altyn alqa» ıegeri sanaly ǵumyrynda barlyq saıası naýqanǵa belsendi qatysqanyn aıtady, dep habarlaıdy Egemen.kz.
«Jańa Qazaqstandy quramyz degendi estip jatyrmyz. Ony úkimet qana emes biz bárimiz qurýymyz kerek. Eshkim tys qalmaı óz daýysyn berse, atsalysqany sol bolady. Elimiz tynysh, bala-shaǵamyz aman bolyp, Qazaqstanymyz kórkeıe bersin», deıdi keıýana.
Tańǵy saǵat 7-den ótkende alǵashqylardyń biri bolyp daýys bergen qarııaǵa №739 saılaý ýchaskesi dástúr boıynsha estelik syılyq tabystap, qurmet kórsetti.
Aıta keteıik, jalpy Panfılov aýdany boıynsha 74 saılaý ýchaskesi bolsa, 85 myńǵa jýyq turǵyn saılaýǵa qatysý quqyǵyna ıe.