«Jedel járdem» qyzmetine – jańa kólikter

– Aýyrǵan janǵa alǵash­qy bolyp jetetin jedel járdem qyzmetinde eńbek etetin mamandardyń eńbegi erekshe qurmetke ıe. Degen­men sońǵy jyldary arnaıy av­to­kólikterdiń deni eskirip, talap údesine saı kelmeı jatqany baıqalady. Aýyldardy aralap, halyqpen kezdesýlerde osy másele jıi kóterilip oty­rady. Osyǵan baılanysty turǵyndardyń talap-tile­gin eskere otyryp, zamanaýı úlgidegi 20 jedel jár­dem reanımobıli berildi. Jer­gi­likti bıýdjetten 1 qyzmettik avto­býs pen arnaıy tehnıka da bólinip otyr, – dedi N.Náli­baev.

Saltanatty is-sharada qoǵam qaıratkeri Turǵanbaı Maha­nov áriptesterin quttyq­tap, kórsetilip jatqan qoldaýǵa rızashylyq tanytty. Jańa kólikti bolǵan dárigerler de alǵysyn jetkizdi.

Bıyl salada jurt qýantar jańalyq kóp. Qazaly aýda­ny­nyń ortalyǵy Áıteke bı kentinde halyqqa bastapqy medı­sınalyq-sanıtarlyq kó­mek kórsetetin aýdandyq em­ha­na ǵımaraty, osy aýdan­daǵy Juban jáne Aral aýda­nyndaǵy Tastúbek eldi meken­derinde medısınalyq beket­ter paıdalanýǵa berildi. Jaz sońynda oblys orta­lyǵyndaǵy sol jaǵalaýdan quny 2,7 mlrd teńge bola­tyn qan ortalyǵynyń irge­tasy qalandy. Keler jyly respýb­lıkalyq bıýdjetten 750 mln teńge bólinip, Qyzylorda qalasynda kópsalaly aýrýhana men emhana qurylysy bastalady.

Aldaǵy 2 jylda «Aýyldyq densaýlyq saqtaýdy jań­ǵyr­tý» qanatqaqty jobasy aıasynda quny 9,7 mlrd teńgege 27 jańa nysan salynady. Onyń basym bóligi dárigerlik ambýlatorııa bolmaq.

Qyzylorda oblysy