Qazaqstandyq tennısshi Beıbit Jýkaev Japonııanyń Iokkaıtı qalasynda ótken «Chellendjer» serııasy týrnıriniń birinshi aınalymynda japondyq Iýta Shımısany jeńdi, dep habarlaıdy Egemen.kz UOK baspasóz qyzmetine silteme jasap.
Bir saǵat oıyn ýaqytynda Jýkaev jeti eıs usyndy, bes qos qatelik jiberdi jáne tórt breıkti júzege asyrdy.
Týrnırdiń ekinshi raýndynda qazaqstandyq sportshy Iýsýke Vatanýkımen shaıqasýy kerek.
«Bul meniń Japonııadaǵy úshinshi «Chellendjerim». Matsýıamede men irikteýde jeńildim, al Kobede ekinshi aınalymǵa jettim. Onda teń matchta avstralııalyqqa jol berdim. Munda Iokkaıtıde ózimniń barlyq joǵary múmkindigimdi kórsetip, týrnır torynan múmkindiginshe ári qaraı ótkim keledi. Bári oıdaǵydaı bolatynyna senemin», dedi oıynnan keıin Jýkaev.