Qazaq eline jasaǵan sapary kezinde Túrik Respýblıkasynyń Prezıdenti Abdýlla Gúl Astanadaǵy “Nur-orda” halyqaralyq qazaq-túrik lıseıinde bolyp, ustazdarmen, oqýshylarmen júzdesti.
Zaman talabyna saı salynyp, oqýshylarǵa jan-jaqty bilim, úlgi-ónege kórsetip otyrǵan bilim uıasymen mektep dırektory Sadretden Chelık tanystyrdy.
Túrik Respýblıkasynyń Prezıdenti Abdýlla Gúl kezdesý kezinde bizdiń Otanymyzda qyzmet jasap jatqan qazaq-túrik lıseıleriniń jumysyna dán rızalyǵyn bildirip, bul bilim uıalary eki el arasyna dáneker bolyp otyrǵanyn alǵa tartty. Ár kelgen kezinde gúldengen Astananyń ádemi kelbetine kýá bolyp júrgenin, Arqa tósindegi ádemi qala Elbasy Nursultan Nazarbaev qoltańbasy ekenin atap ótti. Ol sonymen birge, baýyrlas eki halyq arasyndaǵy dostyq pen yntymaqtastyq aldaǵy ýaqytta da jalǵasa beretinin, onyń uıytqysy búgingi urpaq bolatynyn tilge tıek etti.
Súleımen MÁMET.