Mańǵystaý oblysynda polısııa qyzmetkerleri er adamnan 41 keli marıhýana jáne iri kólemde aqsha tárkiledi, dep habarlaıdy Egemen.kz Polisia.kz saıtyna silteme jasap.
Mańǵystaý oblysy Polısııa departamenti Uıymdasqan qylmysqa qarsy kúres basqarmasynyń qyzmetkerleri Esirtki qylmysyna qarsy is-qımyl basqarmasynyń qyzmetkerlerimen birlesip, kelip túsken jedel aqparat boıynsha jedel-izdestirý is-sharalary barysynda 25 qarashada saǵat 02:30 shamasynda Aqtaý qalasy aýmaǵynda 11-shaǵyn aýdannyń kópqabatty úıleriniń birinde 40 jastaǵy kúdiktini ustady.
Jeke tintý barysynda marıhýana esirtki zatynyń 12 sellofan paketi tárkilendi. Odan keıin turǵylyqty jeri boıynsha tintý júrgizý kezinde polıseıler marıhýana esirtki zatynyń 11 úlken polıetılen paketin tapty. Tárkilengen zattardyń jalpy salmaǵy – 41 keli.
Sonymen qatar kúdiktiden 3,3 mln teńgege jýyq aqshalaı qarajat tárkilendi. Kúdikti óz áreketin tolyqtaı moıyndady. Bul derek Aqtaý qalasy PB SDTBT-da QR-niń QK 296-baby 4-bóligi boıynsha tirkeldi. Sotqa deıingi tergeý amaldary júrgizilýde. Sot-saraptamalyq zertteý taǵaıyndaldy. Kúdikti ýaqytsha ustaý ızolıatoryna qamaldy. Tergeý múddesi úshin ózge aqparat jarııa etilmeıdi.